京畿兇案

2009-9-17
故宮 ~ 景山 ~ 軍事博物館 ~ 首都博物館 ~ 鳥巢 ~ 水立方
~ 大柵欄兇案
.
臨近國慶，
加強保安，
進入天安門廣場，
一律要查包包
.
周圍都有公安.
軍裝武警與便衣武警.
d疑似便衣公安武警狐假虎威，
對d遊人呼呼喝喝，
想企係度幫毛主席影張相都唔得，
要一邊行一邊影 ..
拍片咩 ..
影張相唔洗3秒，
但係已經俾人啤實
.
之前報紙話唔可以帶液體入故宮，
現場所見，
可以帶飲品，
不過要即場飲一口
.
入故宮前，
包包又要照X光
.
星期六有國慶綵排，
故宮會封閉，
所以人人都趕住今日入宮
.
太和門.
上次冇去鐘錶館、珍寶館，
今次俾多20蚊入去，
唔係為左睇珍寶，
而係為左睇建築
要睇珍寶，
不如去台北睇.
皇極殿.
上景山諗住俯瞰故宮，
點知空氣差，
望唔到遠ge地方 ...
之後去左軍事博物館，
憑香港身份證可以免費入場
入面有好多坦克、戰機、大炮，
不過全部都係舊款.
接住去左首都博物館
原本想睇多次九門模型同介紹，
但係想睇ge展品唔見左 ..
冇野睇 ..
.
跟住搭左好耐地鐵去鳥巢、水立方
天色一片灰暗 ...
之後拖住疲倦ge身軀返酒店
行經前門大街時，
身邊有架公安車係度巡邏，
突然有人走過黎報公安，
話有人打架
初頭都冇為意，
因為係大陸，
成日都有人打架
但係跟住不停有人走過黎報公安，
心知不妙，
但係d公安仍然冇反應
行到大柵欄街口，
見到有一班人，
一睇就知有事發生
即刻走過去，
見到有人目訓左係地，
側邊有灘血 ..
有個疑似保安係度幫傷者止血，
另外周圍有幾十人圍觀
.
公安陸續到達，
有人話俾公安知兇徒走左去邊，
d公安即刻走去捉兇手，
冇公安理傷者
.
原本想拎相機出黎影相，
但係天已經黑，
影相一定要用閃燈，
但係一用閃燈，
成街ge人都知有人影緊相
非法採訪好危險，
惟有影video
影video ge 時間係6:59，
過多幾分鐘，
有特警車駛到，
但係7:07之後先有救護車到達
.
返到酒店睇新聞，
過左幾個鐘先有新聞簡報，
指有2個人死左
.
內地有新聞封鎖，
睇唔到香港新聞報導，
雖然可以係北京睇敝公司ge報紙，
不過冇即時報導，
甚至一日後都冇報導 ..
shit
.
[新華網北京９月１７日電]
１７日１８時５４分，
一名男子在北京市宣武區大柵欄持刀傷人，
被巡邏民警當場抓獲。
傷者被及時送往醫院救治，
兩名受傷保安人員經搶救無效死亡。
.
返到香港睇報紙，
先知除左2個人死左之外，
仲有十幾人受傷