再度拜訪

2008-1-17

British Museum ~ Victoria ~ Westminster Cathedral ~ Westminster ~ Big Ben ~ Houses of Parliament

.

繼續參觀大英博物館，

又去探木乃伊

.

有 d 民族，

連佢地個名都未聽過，

何況佢地 ge 文物，

當然從未見過

.

非洲 ge 工藝品原來都好得意

.

如果眼尾望到都算睇左件展品，
要係大英博物館行一個圈，
最少都要一整日
.
之後又去睇大笨鐘 + 國會大樓
點知睇睇下突然熄燈

.

夜晚 ge Westminster 站，

職員仲多過乘客

隔岸觀火

第一次去西九龍影煙花，

太遲先去到 (7:40左右先到)，

所以冇晒靚位

.

如果只係想睇煙花，

又唔想太早去霸位，

element 門口，

或者九龍站對出 ge 海濱長廊，

係個幾好的選擇，

因為地方夠空曠，

而且只有好少人

不過影相就麻麻，

因為度度都有鐵絲網

.

影唔到煙花，

惟有影維港夜景交差

探木乃伊

2008-1-16
Marble Arch ~ St. Paul’s Cathedral ~ Bank of England ~ Monument ~ Victoria ~ Buckingham Palace ~ The Mall ~ St. James’s Palace ~ Trafalgar Square ~ Russell Square ~ British Museum

Marble Arch .. 比想像中細
.
St. Paul’s Cathedral.
英倫銀行
睇外電相就見得多，終於可以到此一遊.
之後去白金漢宮睇換兵
唔係好多人，
早40分鐘左右去到，都仲可以霸到欄杆位
當然，最好 ge 影相位置已經一早企滿人
有得睇音樂演奏，.
同埋睇 d 士兵行黎行去
士兵著晒冬裝，唔係著紅色 ge 軍服
.
The Mall.
St. James’s Palace.
Trafalgar Square.
然後去大英博物館
入去博物館係唔洗排隊的，
不過聽人講，以前去睇木乃伊係要排隊的

今日主要去睇木乃伊
木乃貓.
木乃魚都有 .. 吹脹.
裝內臟的.
之前有一具木乃伊黎過香港展覽，
當時覺得「好新奇」
睇左好耐，睇得好仔細先至肯走
.
但係當一次過見到好多木乃伊時，
就會覺得不外如是，
舉足細看 ge 興趣反而細了
只係有心機不停拍照
.
臨近博物館閂門時，
展覽廳裡面，
死人多過活人，
管理員多過參觀者
睇到收館，俾人趕走

參觀墳場

2008-1-15
Westminster ~ Westminster Abbey ~ Lambeth North ~ Imperial War Museum ~ St. Paul’s ~ St. Paul’s Cathedral ~ Paddington
.
原本之前冇打算參觀西敏寺，
不過聽人講，冇入過去西敏寺，就等如冇去過 Westminster
結果俾左10鎊入去
一入到去，就見到好多好多雕像
西敏寺除左係教堂之外，
仲係皇帝加冕 ge 地方，亦都係一個墳場
雕像 ge 當事人，
全部都係死左好耐 ge 皇帝皇后，或者係名人貴族
d 墳墓設計得非常華麗，似藝術品多過似墳墓
不過西敏寺入面唔俾影相，只可以睇
.
之後又去帝國戰爭博物館，睇未睇完 ge 展覽
.
搭地鐵要轉車時，成日都要行過長長 ge 隧道，
有 d 隧道有成條街咁長.
去到帝國戰爭博物館，
今次主要睇 WWI，同埋 WWII ge 展覽
d 展覽廳又係陰森恐怖，所以草草行個圈就算，
不過，行個圈都要一、兩個鐘
.
德軍第一次世界大戰時 ge 頭盔
以前睇書就見過，實物就第一次見.
博物館入面，有個體驗倫敦被空襲 ge 展覽
有個告示寫明，不適合有心臟病人士參與，
原本諗住好刺激，
點知入到去，坐左一陣，震左一下，咁就完

探望女皇

2008-1-14
Lambeth North ~ Imperial War Museum ~ Westminster ~ Big Ben ~ Houses of Parliament ~ Westminster Abbey ~ Downing Street ~ Horse Guards ~ Trafalgar Square ~ Admiralty Arch ~ The Mall ~ St. James’s Palace ~ Buckingham Palace ~ Victoria ~ Paddington
.
天氣報告話上午11點會天晴，原本諗住到時去睇御林軍，
點知9點鐘出門口時，落緊大雨，
結果走左去帝國戰爭博物館
.
搭地鐵時，
見到 d 凳上面放左好多睇完 ge 免費報紙，
點解 d 英國人咁冇手尾 le ?
原來英國人唔介意睇二手報紙，
上到車，隨手拎份報紙睇，落車時就放低
.
入到帝國戰爭博物館，就見到好多坦克、飛機 ，
其中有第一次世界大戰時 ge 坦克，
終於有機會見到實物啦！

.

戰機

.
同埋巴士 tim (依架巴士運過士兵)
.
睇左戰爭海報、納粹大屠殺、間諜、d-day ge 展覽
不過，博物館裡面只有好少人，

有 d 地方燈光又暗，又靜，又多轉角位，好恐怖，
所以急急腳行下就算
.
行到12點左右，見到出面竟然天晴，

所以即刻走去搭地鐵，睇左 d 戶外 ge 景點先
.
又去返 Westminster，睇多次大笨鐘、國會大樓西敏寺.

唐寧街

究竟當時係凍定係熱?

.
今次再行遠 d ，睇埋騎兵，

.
倫敦巴士呀
.
途經 Trafalgar Square
Trafalgar Square 有4隻大銅獅，
匯豐門口果對，簡直小兒科
Trafalgar Square 有個免費 ge 洗手間，
入面有暖水洗手，同埋有暖風機，正
.
Trafalgar Square 隔離就係 Admiralty Arch，
穿過 Admiralty Arch，就係 The Mall，
行到盡頭，就係白金漢宮.
白金漢宮門口只有2個御林軍 (有個係另一邊).
女皇唔係屋企，冇得探佢

.
未夠4點，天已經開始黑，

而且越黎越凍，所以又要返旅館

獨闖英倫

2008-1-13
香港 ~ 倫敦 ~ Victoria ~ Paddington ~ Westminster ~ Big Ben ~ Houses of Parliament ~ Westminster Abbey ~ Downing Street ~ London Bridge ~ HMS Belfast ~ Tower Bridge ~ London Tower ~ Westminster ~ Big Ben ~ Victoria ~ Paddington
.

搭一 d 都唔平 ge 廉價航空公司飛機去倫敦，
雖然要搭 13 個鐘頭飛機，
好在細妹幫我揀左個走火通道位，
訓下醒下，睇下戲，冇想像中咁辛苦
到左倫敦，排左好耐隊先到入境 counter，
問左幾條問題就走得

.
搭火車出城
原本諗住係售票機買飛，
但係太多選擇，唔識揀，
只好排隊去 counter 買
搭左40分鐘左右，就出到倫敦市中心

去到市中心，
即刻買張 7 日地鐵 travel pass，
之後果幾日可以任搭地鐵
去到地鐵站入口，
弊，冇電梯，
要拎住廿磅行李行樓梯 ...
(地鐵站有免費路線圖，記得拎幾份 )
入閘之後，又要拎住廿磅行李行樓梯落月台

.
等車

原來倫敦地鐵，
幾條線 ge 列車會共用一個月台，
所以一定要睇清楚先至上車

等左幾分鐘，有一班車到，
不過唔係我要搭果條線
再等，唔對路，
點解之後果兩班車都唔係我要搭果條線
睇下路線圖，
shit
我要搭果條線，星期日 no service
o … 惟有搭另一條線，不過要轉車
轉車就慘 lu，
又要拎住廿磅行李行樓梯，行落行上，
搵左一輪都唔知要去邊個月台，
結果要問職員
終於去到 Paddington，即係旅館所處 ge 地方
搵左一輪先至搵到出口 ..
冇錯，搵出口都花左一 d 時間
拎住廿磅行李行樓梯，終於上到地面
Hilton 就係地鐵站對面，
而我間旅館就黎地鐵站一分鐘路程，
好方便
放低行李，出發
.
第一站：大笨鐘 + 國會大樓 + 西敏寺 + 唐寧街
搭地鐵去到 Westminster 站，
一出站就係大笨鐘，
大笨鐘每 15 分鐘就會報時一次.
沿 Westminster Bridge 過泰吾士河，就睇到成座國會大樓，
不過橋上面好大風
西敏寺就係國會大樓隔黎，
第一日唔入去住，
係門口影左幾張相，就繼續行去唐寧街
.
唐寧街冇野睇，只見到幾個警察守門口，
不過點都要去下

財政部門口 ge 電話亭 .
第二站：倫敦橋 + HMS Belfast + Tower Bridge + 倫敦塔
倫敦塔就係 Tower Hill 地鐵站隔黎，
原本諗住搭地鐵去 Tower Hill 站，
點知睇到地鐵 d 告示，
話是日因維修關係，冇地鐵到 Tower Hill 站 ..
shit，結果要先去到 London Bridge 站，
沿泰吾士河河邊行，
再過河，再沿河邊行，
先至可以去到
.
去到 London Bridge 站，
出到地面，見唔到有河，唔識路，
要落返地鐵站睇地圖，
點知地圖太簡單，睇完都唔知點行，
結果要問職員，再拎一份地圖，
咁就識行啦
去到河邊，就會見到平平無奇 ge London Bridge，
不過人都唔多個，
當然見唔到 fair lady

這就是 London Bridge

沿泰吾士河河邊行，行一陣就會見到 HMS Belfast 軍艦再向前行，就係 Tower Bridge

上橋過河，好大風，
去到對岸，就近距離見到倫敦塔城牆，
沿城牆行，終於去到入口
一早上網訂左飛，唔洗排隊就可以入城
(不過根本冇人要排隊 ..)
入城之後，第一樣要睇 ge，當然係皇冠，
皇冠就放係下面果左塔裡面
皇冠咁珍貴，當然要有士兵睇實雖然對黃金鑽石冇乜興趣，
但係見到好多超大件 ge 金器，鵝蛋咁大 ge 鑽石，加上好多好多閃亮 ge 鑽石，真係大開眼界
皇冠展覽櫃前有扶手電梯，費時 d 人賴死唔走 -_-"
之後就去睇倫敦塔裡面，其他大大小小 ge 塔，
期間中途不幸遇到皇家烏鴉部隊空襲 白塔四點幾左右就天黑，沿回頭路返London Bridge 站
. 第三站：夜遊大笨鐘 + 國會大樓
.
夜遊完，買左個 big mac 餐返旅館，
不過等地鐵等左好耐，返到旅館時，d 包已經凍晒
旅館只有 bbc1 + bbc 2，加另外兩三個台，
連 Bloomberg 都冇