騙兔扭蛋

唔知佢地黎左香港未？

.

未來大計

有好多野未做呀 ...

要買野俾煩煩食，

要幫個囡剪毛，

有幾套新買 ge 紀錄片未睇，

好多碗筷未洗，

仲想抽時間去藝術館睇 "羅馬的曙光"

雖然唔知伊特魯里亞文化係乜，

但係估計應該會幾好睇

要趁暑假黎之前快 d 去博物館，

好憎 d 細路嘈喧巴閉，

好討厭 d 小朋友 ge 家長係度扮博士

獅子老虎

前日睇到隔離倉獄長 ge 東遊相片，

忽然好想去動物園睇獅子老虎

但係諗諗下，

香港好似冇動物園 wor ...

下次旅行要探下 d 動物先得

.

另外，

係監獄幹活 ge 人，

影相好似真係靚 d

西藏 ge 風景真係好靚，

不過我應該唔會有機會親眼見到，

惟有遲 d 去錦繡中華感受下啦，

我估應該差唔多

虛驚一場

2006-6-24

.

見到有個男人訓左係街上，

唔係又跳呀 ...

行近 d 望下，

見到佢 ge 身體附近冇血跡，

加上佢仲可以搖動雙手，

可見佢應該只係行行下暈低左

開倉救濟

2006-6-23

.

監獄開大食會，

免費任食，

食左四杯雪糕，

但係一 d 都冇肥到，

激死 ...

堆積如山

正所謂有咁耐風流，就有咁耐折墜，

返到監倉，

發現有三日 ge 草冇人剪，

堆晒係我個倉度，

而且仲要即刻剪晒佢

唔係化 ...

我就話去左著草遮，

乜成個監倉 ge 人又跟埋我一齊逃獄呀

好明顯有人趁管理層放假，

靜靜將 d 草放入我個倉

退休生活

著草五日之後，

返到黎香港，

仲可以攤抖多兩日先至要返入監獄，

好似過緊 d 退休生活咁

親親黃河

2006-6-16 (星期五)

大明湖 ~ 黃河 ~ 香港
.

歷下此亭古 濟南名士多
係大明湖裡面，只係見到歷下亭，遇唔上名士

.
黃河 - 冇野睇，不過可以摸下黃河水

五嶽獨尊

2006-6-15 (星期四)

趵突泉 ~ 岱廟 ~ 泰山

.

趵突泉 - 去唔去也罷 ...

.

岱廟 - 中國三大宮殿中，歷史最悠久 ge 一座

.

泰山 - 五嶽之首，不過風景麻麻，

但係話晒曾經有好多個皇帝都黎過

山上可以睇到山下有一大片平原，

可惜冇登泰山而小天下 ge 感覺

.

話咁易就上到頂，比上華山輕鬆得多

齊殉馬坑

2006-6-14 (星期三)
康有為故居 ~ 迎賓館

~ 濰坊 ~ 楊家埠

~ 淄博 ~ 臨淄 ~ 齊國歷史博物館 ~ 東周齊景公殉馬坑

~ 濟南

.

康有為故居 - 唔值得花時間去

參觀期間，有個 BB 嘔奶，激死康有為

.

迎賓館 - 自費項目之一

德國式建築，從未見過 d 咁 ge「屋」

.

濰坊楊家埠 - 睇版畫 + 風箏，不去也罷

.

齊國歷史博物館 - 走馬看「寶」，睇到人地落閘

.

東周齊景公殉馬坑 - 熱情推介

自費項目之一，

原本個團唔去淄博，

以為冇機會去，

但係每人俾左 310 個大洋之後，

行程即刻充實左好多

殉馬坑唔係好大，

但係足夠令你大開眼界

殉馬坑加設左玻璃保護文物，

但係後方有度冇玻璃 ge 門，

可以同 d 馬零距離接觸，

影相影到熄燈都唔肯走

紅瓦陰天

2006-6-13 (星期二)
金口路 ~ 嶗山 ~ 小魚山 ~ 小青島 ~青島啤酒廠 ~ 棧橋 ~ 迴瀾閣

.

之前一日，

五點先至有得訓，

今日就要六點起身，

已經克服到時差問題 lu

.

琴日明明係陽光普照，

今日竟然係陰天，

激死 ...

點解我去到邊灰到邊 ga

.

晨早走左去遊覽酒店附近 ge 民居

因為冇地圖係手，

行行下，

差 d 迷路

.

不識「嶗」山真面目，

只緣身在此山中

遠觀嶗山都幾靚，

但係近看就冇乜特別

算吧 ... 反正過多幾日就會登泰山

.

小魚山 - 自費項目之一，係裡面可以飽覽青島 ge 紅瓦藍天

可惜天公不造美，

只見到紅瓦陰天 ...

.

北洋艦隊 ge 總部就係設係青島

海軍博物館裡面有四隻退役軍艦 + 一隻退役潛艇

第一次親眼見到潛艇

.
青島啤酒廠 - 參觀完之後有新鮮啤酒飲
不過 d 啤酒好似冇乜酒精
.
迴瀾閣 - 景點之一，去唔去都冇所謂

齊魯之旅

2006-6-12 (星期一)
香港 ~ 青島 ~ 五四廣場 ~ 八大關 ~ 花石樓

.

今回去左山東青島 + 濰坊 + 淄博 + 濟南 + 泰山

好充實 ge 行程

.

五四廣場 - 冇野睇，去唔去都冇所謂

八大關 - 唔係指八個城關，而係指十條以長城關口命名的街道

旅遊指南話，八大關裡面有好多歐洲建築

但係今次只係見到花石樓

青島公安車

詐騙信件

返到香港，

重回網絡世界，

電郵戶口積滿垃圾，

其中一封電郵 ge 寄件人，自稱係恆 x 銀行分行高層，

信中寫到伊拉克戰爭後，有筆錢冇人要，要借助你個戶口，然後有錢分：

" ... Once the funds have been transferred to your nominated bank account we shall share in the ratio of 70% for me, 30% for you . Should you be interested please send me your full names and current residential address and I will prefer you to reach me on the email address below. ... "

收到依 d 信，記得報警

世盃開鑼

世界盃正式開波，

但係唔關我事，

因為我都唔睇波 ... -_-"

.

下個星期又著草，

半年之內第五次，

今次去青島、濟南

好多人都好羨慕我可以成日著草

但係實情係 ...

放大假，

留係香港又冇野做，

只好去著草

.

近排成日笑人地傻，

但係諗諗下，

我可能比人家更傻，

感覺好似俾人耍緊咁，

而且係唔係都未知 ...

行程總結

今次去左四日南寧 + 桂林，

總共只係花左 $2600，

好抵，

淨係見到「煙雨灘江」已經值回票價

最可惜天陰多雨，

影唔到靚相

過多幾年之後，

要係秋天時去多次先得

.

>>> 全部相片

.

~ 街坊意見 ~

..........................................................團費：* * * * *

..........................................................行程：*

..........................................................報名時服務態度：- * * * * *

..........................................................當地導遊質素：*

..........................................................食：*

..........................................................住：* * * * * / *

浪費時間

2006-6-6

青秀山風景區 ~ 龍象塔 ~ 香港

.
南寧天氣酷熱，
又冇乜景點，
係旅遊巴涼冷氣係最好 ge 選擇

返香港

陽朔山水

2006-6-5

榕湖 ~ 世外桃園 ~ 陽朔 ~ 南寧

.

天雨關係，

冇乜心機遊湖，

草草影幾張相就算

.

加插景點：金門大橋

.

之後搭車去世外桃園

離開桂林，

天氣由雨轉晴

遊覽世外桃園係自費項目，

要俾一百個大洋，

不過入面 ge 山景真係幾靚

.
陽朔 ge 山景好靚，

比桂林市區有過之而無不及

然後又搭五、六個鐘頭車返南寧

又到六四

六月四日，

身在內地，

唔睇日曆，

完全唔會留意到又到左六月四日

.

當年發生過乜野事，

大家心裡有數，

唔係 d 失憶眼盲 ge 人話冇就冇，

歷史遲早實會唾棄那些人

.

但係估唔到，

出席過當年集會的官員，

竟然好似去左妓寨咁，

死都唔可以認

人間仙景

2006-6-4

伏波山 ~ 穿山寶洞 ~ 灕江 ( 鬥雞山、象鼻山、伏波山、疊彩山 ) ~ 日月塔

.

晨早走出酒店，

就去左人間仙景

灕江上面有一層霧，

伏波山等則浮現在霧之上，

好靚 ~

由於係人間仙景 ge 關係，

相機即時廢左武功，

鏡頭沾滿水點 ...

只可以帶走回憶

.

跟團遊覽完穿山寶洞之後，

成個上午就係導遊搵錢 ge 時間，

不停咁去購物點 ...

係餐廳睇 d 魚在魚缸游黎游去，

竟然成為半日內最有趣 ge 節目

....乘船遊灕江市區段

頹到喊，

聊勝於無啦 ...

仲要行到中途落雨

.

落左船，

自己去左日月塔、步行街

遊飛機河

2006-6-3
香港 ~ 南寧 ~ 桂林

.

今次著草去桂林

第一次搭細機，
一個鐘頭多 d 就到南寧，

然後搭六個鐘頭車去桂林

( 著草行程明明寫住四個小時車程 ... 最憎唔老實 )

未開始參觀景點，

導遊已經介紹自費項目，

仲要即刻俾錢，

好似上左賊車咁

煩惱多多

雖然係返監獄前買左兩件玩具，

加上係監獄裡面搶左一件東洋特產，

但係唔知點解，

今日好似有好多煩惱，

唔通患上左著草前抑鬱症？

因為監獄裡面異常陰寒？

因為有太多草要剪？

因為火警鐘長鳴時獄長唔肯開閘？

定係由於 ..... ？

忙碌生活

近排係飯堂食飯，

話題總離唔開著草

人地著草總係開開心心的，

而我著草總係忙忙碌碌的

.

星期六就要著草，

依家仲未開始收拾行裝

冇地圖，

冇著草指南，

完全冇準備 ...

反正著草費只係 $999，

埋單計數只係要 $2500

好抵，當遊飛機河都抵

或許冇期望往往會出現驚喜

喜事重重

一個整電腦 ge 故事，

一張結婚相，

一個倉友無啦啦有左個女朋友，

為苦悶 ge 監倉生活增添生氣

.

得閒擺返個桃花陣先得