臨近尾聲

第三天 (4-16)

天泉瀑布 ~ 清遠小三峽 ~ 深圳

原本以為有得去睇雲海，

點知只係去左山腳

.

北江岸邊有好多小販賣鵝蛋，

但係只有一檔有紀念品賣，

而田裡面就有好多鵝仔

.

> > > 全部相片

別有洞天

繼續第二日 ge 行程

去左一個山洞，

洞裡面有好多鐘乳石

不過行行下先發現，

我對石頭興趣不大

入面仲有一條河，

可以搭艇遊洞

.

條路咁崎嶇，想開快 d 都難

.

夜晚又睇民俗表演

少數民族

第二天 (4-15)
連南三排瑤族村寨 ~ 連州地下河 ~ 篝火晚會

原本以為會參觀有千年歷史、有 700 多間木屋 ge 瑤寨，

點知 ... 去左果個景點只有小屋幾間 ...

影完相，購完物，無無聊聊，惟有睇表演

> > > 有片睇

.

不過果度 d 肥雞好得意

> > > 有片睇

長途跋涉

粵北三天著草之旅

第一天 (4-14)

香港 ~ 深圳 ~ 清遠 ~ 粵北三連 ~ 連州

一宗意外，令到高速公路變成慢速公路

越往北行，天氣越冷

公路擠塞，加上天雨關係，

未到目的地連州，天已經黑齊

搭左成日車，好頭痛

連州 ge 物價好低，酒店附近有間兩蚊店 tim

賑濟災民

監獄有新公告，

各囚犯憑糧票，

可領取東洋鬼子即食麵一箱

( 無打錯字，係一 「箱」)

為免阻塞監獄內狹窄通道，

及避免飯堂生意受損，

及防止有人顧住食而唔剪草，

領取物資後，

相關糧草須即時運離監獄範圍

.

唔知有乜野味道選擇呢？

.

講起食，

報紙有則新聞幾得意

" 漢X唔賣龍蝦去挖煤 "

唔知係唔係整得炭燒龍蝦多，

發覺賣煤炭仲好賺呢？

波折重重

原本打算假釋期間去桂林著草，

點知訂唔到酒店，

之後諗住去青島，

睇下當地啤酒廠仲有冇投資價值，

點知訂唔到機票，

o shit ...

惟有揀廣東省短線團，

幾經波折，

終於就黎可以潛逃返內地啦

睡意正濃

女仔鼠家，訓到冇晒儀態 ...

好明顯，個 patpat 有 d 污糟

妹妹 (o岩o岩訓醒) : 有人偷拍

妹妹 : 你仲乜唔叫醒我 wor ...

家姐 : 我頭先顧住逃獄 ma ....

製造垃圾

今日終於的起心肝，

早左五分鐘出門，

晨早流流走去郵局，

拎左兩份特區護照申請書

十一個小時之後，

返到屋企，

再一次的起心肝，

正準備開始填寫之際，

e ..

份申請書寫住「十六歲以下兒童適用」，

o .. shit

而且兩份都係

激死 ~

無所事事

監獄環境惡劣，

隔離位新倉友成日係度咳，

搞到我有倉歸不得；

而且今日罕有地冇乜草要剪，

惟有終日行行企企，

整日游手好閒，

成晚流流長，

就黎悶死啦 ~

百無聊賴